Во најновата епизода на Тв Такси 28, Ана, Стрезо и Стефан се во ритам на Ромската култура!

Во неа, Џијан Емин, врвниот музички уметник, ексклузивно зборува за неговиот сон, да ја направи првата Ромска опера преку најсилната енергија, љубовта!

Стрезо се обидува да биде дел од музичкиот состав во Рома Рок Скул. Зборуваме со Алвин Селимовски, основачот на ова мултиетничко музичко образование за кого музиката е една од најмоќните орудија за да се срушат сите предрасуди, дискриминација и стереотипи кон кого било.

Ромската култура која се издвојува со богатството на елементи на духовност, музика, јазик, азбука и уникатни традиции и обичаи е навистина украс на цивилизацијата.

Севдије и Џемилијана Абдулови се мајка и ќерка кои на свој начин ја шират ромската култура, авторки на книги кои го откриваат светот на ромите. Севдије го има напишано првиот ромски буквар, поезија и проза и првиот детски роман на ромски јазик, додека пак Џемилијана издаде двојазична книга на ромски и англиски јазик.